ጥር 30 ቀን 2016 ዓ.ም
አዲስ አበባ
*******************************************************************
የኢትዮጵያ አክሬዲቴሽን አገልግሎት ለግሎባል ኢንስፔክሽን ሰርቬይ ኤጀንሲ በግብርና ምርቶች ኢንስፔክሽን ዘርፍ በሁለት ምርቶች እና በአራት ወሰኖች ላይ የአክሬዲቴሽን ዕውቅና ሰጠ።
በዕውቅና አሰጣጥ ሥነ ሥርዓቱ ላይ የተገኙት የአገልግሎቱ ዋና ዳይሬክተር አቶ ቦንሳ ባይሳ ጎሎባል ኢንስፔክሽን ሰርቪስ የኢትዮጵያ አክሬዲቴሽን አገልግሎትን መርጠው አክሬዲት በመሆናቸው አመስግነዋል።
አክሬዲቴሽን ዓለም አቀፍ ሥርዓት መሆኑን የገልጹት ዋና ዳይሬክተሩ የኢትዮጵያ አክሬዲቴሽን አገልግሎት በአፍሪካ ቀዳሚ ደረጃ ካላቸው ሃገራት ተርታ ይመደባል። በዓለም ተወዳዳሪ ለመሆን የጥራት ጉዳይ መሰረታዊ ነው። ለዚህም አክሬዲቴሽን እንደቪዛ በመሆን እንደሚያገለግል ገልጸዋል።
የግሎባል ኢንስፔክሽን ሰርቬይ ኤጀንሲ ሥራ አስኪያጅ አቶ አበበ ብሩ በበኩላቸው የኢትዮጵያ አክሬዲቴሽን አገልግሎት ከመመስረቱ በፊት የአክሬዲቴሽን አገልግሎት ለማግኝት ይቸገሩ እንደነበረ ገልጸው የኢትዮጵያ አክሬዲቴሽን አገልግሎት የግብርና ምርቶቻችን በዓለም አቀፍ ደረጃ ተወዳዳሪ እንዲሆኑ እንደሚያስችላቸው ገለጸው ለተደረገላቸው ድጋፍ ምስጋናቸውን አቅርበዋል። በቀጣይም በአውሮፓ ገበያዎች ተወዳዳሪ ለመሆን የሚያስችሉ ተጨማሪ የአክሬዲቴሽን አገልግሎቶች እንዲሰጣችው ጥያቄ አቅርበዋል።
